Connect to Us LinkedIn Youtube RSS

17-2016 - Declaracion di miembro di KvK
  • PDF
  • Print
  • Email
Oranjestad – Camara di Comercio y Industria Aruba (KvK) a tuma nota di un entrevista concedi pa un miembro di Camara di Comercio, den cual a duna un punto di bista encuanto e acuerdo cu gobierno di Aruba a cera cu diferente partner cu proposito di rehabilita y pone den operacion e refineria na San Nicolas, cu ta paralisa desde 2012.
KvK ta declara enfaticamente cu e declaracion aki cu a sali den diferente medio di comunicacion mester considera un opinion personal di e miembro concerni, y no ta refleha punto di bista di KvK mes. KvK tin pa ley y regla su vocero oficial cu ta e presidente di e institucion aki. Den cierto caso, segun su criterio, e presidente por autorisa otro persona pa hiba palabra na su nomber. Esaki ta tuma luga a base di autorisacion explicito. Den e caso concerni, esey no tabata e caso.
Tambe KvK ta desea di enfatisa cu den e caso concerni, KvK a participa den e reunion di informacion verbal di banda di gobierno, pero ta en espera di ricibi documentacion al caso cu ta duna prueba di e acuerdonan cera. Esaki en bista di e importancia strategico di e acuerdonan pa e futuro economico di Aruba den e proximo decadanan.
 
 
Camara di Comercio y Industria Aruba (KvK)
23 di juni 2016
 
 

By orbitalnets.com