Connect to Us LinkedIn Youtube RSS

15-2016 - Reaccion di KvK riba All-Inclusive
  • PDF
  • Print
  • Email
Oranjestad – Camara di Comercio y Industria di Aruba (KvK) a tuma nota cu lo por existi algun confusion den comunidad pa loke ta trata e posicion di KvK riba henter e asunto di regulacion di e asina yama “All-Inclusive”, y e discusion cu ta tumando luga tocante e tema aki. 
 
Pa cuminsa, ta importante pa trece dilanti cu e unico vocero pa KvK riba e tema aki of cualkier otro tema ta propio Camara di Comercio. Mescos KvK no ta pretende di presenta opinion di otro, no ta necesario ni deseabel pa otro instancia purba ta vocero pa KvK.
 
Pa aclarea un ke otro e posicion di KvK riba e tema aki ta lo siguiente:
 
KvK ta comparti e preocupacion di Gobierno di Aruba pa loke ta trata e crecimento rapido di e fenomeno di “All-Inclusive” y kico esaki lo por nifica pa Aruba su economia. Tambe KvK ta di opinion cu ta necesario pa Gobierno tin na su disposicion e hermentnan necesario pa regula comercio pa asina sirbi e bienestar general di henter e comunidad di nos pais. Na mes momento, reconociendo e importancia di e industria turistico pa nos pais, KvK ta haya cu ta hopi importante pa Gobierno yega na un consensus cu sector priva riba e tema aki. Manera semper KvK ta pone su mes disponibel pa yuda logra un consensus asina.
 
Si cualkier persona ta interesa pa conoce e posicion di KvK riba e tema aki of cualkier otro tema, esaki ta disponibel riba e website di KvK www.arubachamber.com.
 
 
Camara di Comercio y Industria Aruba (KvK)
9 di juni 2016
 
 

By orbitalnets.com