Connect to Us LinkedIn Youtube RSS

01-2016 - Directiva di KvK pa 2016
  • PDF
  • Print
  • Email
Oranjestad –  Camara di Comercio y Industria (KvK) a elegi den su reunion di 6 di januari 2016  e presidente y vice-presidente pa aña 2016. Sra. Daphne Agius Cesareo-Lejuez a keda re-eligi pa e mayoria di e miembronan di directiva como presidente y Sr. Serge L. Mansur como vice-presidente.
 
Banda di e presidente y vice-presidente, directiva di KvK ta conta cu e damanan Julisa N. Arends-Hoevertsz y Sandy R. Odor y cu Sres. Omar Tromp, Francisco L.M. de Mey, Ernst J.E. Mohamed, August A. Croes y Lionel M. de Cuba. 
Na december ultimo Sr. Ernst J.E. Mohamed a keda re-eligi y a yama bonbini na Sres. August A. Croes y Lionel M. de Cuba como miembro di directiva pa un periodo di tres aña (2016-2018) y Sra. Lindsey T. Wever y Sr. Oscar S. Wyatt a termina nan periodo como miembro di KvK. KvK ta extende un biaha mas palabranan di aprecio y gratitud pa nan aporte na e trabao di KvK. 
 
E presidente y vice-presidente, hunto cu e secretario/director ehecutivo suplente, Sra. Sonja J. Velthuizen, ta forma e directiva diario di Camara di Comercio. Como presidente suplente, den caso di ausencia di tanto presidente como vice-presidente, a keda nombra segun stipulacion legal e persona di mas trayectoria sin interupcion den directiva di KvK, cu ta Sr. Francisco de Mey.
 
Directiva di KvK ta conta di por continua na aña 2016 di duna su aporte na bienestar di comercio y industria y di comunidad en general cu hopi energia y entusiasmo.
 
 
Aruba, 6 di januari 2016
Camara di Comercio y Industria (KvK)
 

By orbitalnets.com