Connect to Us LinkedIn Youtube RSS

46-2015 - Camara di Comercio a reuni cu embahadornan di diferente pais
  • PDF
  • Print
  • Email
Oranjestad, 27 di october 2015 – Dialuna, 26 di october ultimo Camara di Comercio y Industria (KvK) a ricibi visita di embahador di Hulanda na Bogota, Colombia, señor Robert van Embden, embahador di Hulanda na Paramaribo, Suriname, señor Ernst Noorman, embahador di Hulanda na Port of Spain, Trinidad & Tobago, señor Jules Bijl, embahador di Hulanda na Punta Pacifica, Panama,  señor Dirk Janssen y e Secretaria Primera pa Asuntonan Regional na Cuba, Republica Dominicana, Trinidad y Tobago y Venezuela, señora Liesbeth Mol.
 
Presidente suplente di KvK, señor Frans de Mey, y directora interino di KvK, señora Sonja Velthuizen, a ricibi e delegacion y a gradici e embahadornan pa nan bishita. Durante e reunion ameno y informativo a intercambia ideanan pa estrecha e lasonan comercial entre Aruba y e otro paisnan y duna apoyo na comerciantenan local cu ta interesa den e mercado di e paisnan menciona. 
 
Un di e tareanan principal di KvK ta pa promove comercio y pa duna e comercio local un chens pa haci negoshi internacional.
 
 
Aruba, 27 di october 2015
Camara di Comercio y Industria (KvK)
 
 

By orbitalnets.com