Connect to Us LinkedIn Youtube RSS

36-2015 - KvK ta hopi contento cu e cantidad grandi di bishitante na e Business Plaza
  • PDF
  • Print
  • Email
Oranjestad – E aña aki Business Plaza Get Started a atrae un cantidad record di bishitante. Camara di Comercio y Industria Aruba (KvK) ta hopi contento di por a yama un audiencia asina enthusiasma bon bini y ta mira un otro exitoso Business Plaza.
 
Danki ta bai na nos sponsors Now Strategy, Don Pastechi, Manrique Capriles y Tropical Bottling Company pa nan aporte ofreci na e programa. 
 
Manera tur aña, e publico presente a ricibi un cordial bon bini di e Presidente di Camara di Comercio, Sra. Daphne Agius Cesareo-Lejuez, ken a haci e apertura oficial. Despues a sigui un presentacion di NOW Strategy tocante marketing pa starters. Despues otro oradornan a duna informacion practico con pa cuminsa cu bo negoshi, adminstracion y leynan cu mester tene na cuenta. Hopi bon atendi tambe tabata e workshop di Business Plan cu a wordo duna diasabra atardi. 
 
Durante e break tur participante a haya oportunidad pa netwerk y intercambia ideanan cu empresarionan experiencia. Y durante henter dia nan por a ricibi mas informacion di e conseheronan cu tabatin disponibel pa contesta tur pregunta.
 
Curso Empresario Independiente Chikito/Mediano
Diasabra tambe a habri e registracion KvK su curso di entrepreneurship “Empresario Independiente Chikito/Mediano”, cu ta cuminsa dia 19 di oktober venidero. Sra. Sonja Velthuizen y Sr. Dave Martinus a duna informacion tocante e curso intensivo, cu tin solamente 20 cupo disponibel pa asina brinda cada studiante e mihor atencion posibel. Esaki ta di dos aña cu e curso ta wordo duna y ya caba ta hopi hende a mustra nan interes door di yena un formulario di aplicacion. 
Registracion ainda ta posibel, esnan interesa por manda un email na This e-mail address is being protected from spambots. You need JavaScript enabled to view it pa mas informacion. Na final KvK lo tene un entrevista di admision cu tur esnan cu a manda nan CV y un carta cu e motibo pakico nan kier participa na e curso aki. 
 
KvK kier yama danki na tur esnan cu a aporta na yuda nos haci Business Plaza un exito. Oradornan Dave Martinus, Marielsa Arends-Croes y Mendy Steenken-Wever, David Kock y Herbert Diaz. Departamento di Asunto Economico y sin lubada nos sponsors Now Strategy, Don Pastechi, Manrique Capriles y Tropical Bottling Company.
 
Alavez KvK kier invita di awor caba tur empresario cu kier engrandece y expande nan negoshi, pa atende e proximo Business Plaza Step Forward, diasabra 16 di Januari 2016. 
 
 
Aruba, 7 di juli 2015
Camara di Comercio y Industria (KvK)
            
 

By orbitalnets.com