Connect to Us LinkedIn Youtube RSS

35-2015 - KvK: Dentro di poco subsidio di EU posibel pa SMEs
  • PDF
  • Print
  • Email
Oranjestad – Camara di Comercio y Industria Aruba (KvK) ta contento di por comparti cu empresarionan mediano y chikito di Aruba cu pronto nan por aplica pa ricibi subsidio di COSME di Union Europeo (EU). COSME ta un programa di EU cu ta special pa e “Competitiveness of Enterprises and Small and Medium-sized Enterprises (SMEs)”.
 
E abreviacion di COSME ta Caribbean OCT Small & Medium sized Enterprises. Su meta ta pa contribui na e diversificacion y prosperidad economico di e islanan Hulandes, Frances y Ingles, cu ta forma parti di e pais y teritorionan ultramar Caribense (Caribbean Overseas Countries & Territories (OCTs)) door di yuda haci e SME’s di e islanan aki mas competitivo.
 
Desde basta tempo un delegacion fijo di Aruba cu ta consisti di Departamento di Asunto Economico y KvK tabata asisti reunionnan tocante e programa aki y con pa implementa den e 12 islanan OCTs. E programa ta consisti di 4 componente pa duna e sosten necesario na e desaroyo di e SME’s:
- Duna asistencia tecnico na organizacionnan cu ta duna sosten na empresanan (Business Support Organizations (BSOs)), manera e Camaranan di Comercio, pa asina nan tin mihor colaboracion entre nan pa mihor relacionnan di comercio y inversion, consecuentemente nan por brinda mihor servicio na e SME’s. 
- Haci uso di netwerk di e BSOs, pa asina alcansa e SMEs mihor pa por identifica nan necesidadnan. Di e forma aki COSME y BSO por mehora e situacion y asina mehora e competitividad di e SME den mercadonan internacional.
- Traha hunto cu gobiernonan y BSOs pa mehora e infrastructura legislativo y politico pa asina facilita e desaroyo di SMEs.
- Enforsa y sostene e colaboracion, comercio y relacionnan di inversion entre e EU, Cariforum y OCTs Caribense.
 
Beneficio pa SMEs local
E programa aki ta unico den sentido cu aunke ta trata di un region chikito, cada isla ta diferente cu su propio reto y complexidadnan, pero e programa ta logra pa uni e islanan door di stimula cooperacion regional cu prome no tabatin. E programa ta yuda empresario chikito y mediano, pa inspiranan pa nan crea oportunidadnan y asina stimula economia di e isla.
 
Con pa bin na remarca
COSME ta ofrece SMEs un grant scheme, cu ta un asistencia financiero directo, y no un fiansa. E grant ta wordo otorga den forma di contracto unda ta wordo describi con e placa tin cu wordo utilisa. E grant maximo ta 12.000 euro (mas o menos Afl. 24.306) y ta cubri maximo 70% di e proyecto cu e aplicante kier realisa.
 
E grant ta wordo otorga den milestones, segun esakinan ta wordo alcansa durante desaroyo di e proyecto. E no ta wordo duna na projectonan cu ya caba a wordo completa. 
 
Pa duna mihor splicacion ariba e procedura pa bin na remarca pa e grant di COSME, KvK ta invita empresarionan chikito y mediano pa atende un lectura informativo, diaranson 8 di juli na Camara di Comercio, di 9:30 am - 12:00 pm. 
Registracion ta obligatorio, yama nos na 582.1566, ext. 30/42 of email nos na This e-mail address is being protected from spambots. You need JavaScript enabled to view it  
 
 
Aruba, 6 di juli 2015
Camara di Comercio y Industria (KvK)
 

By orbitalnets.com