Connect to Us LinkedIn Youtube RSS

32-2015 - Realisa bo soño di tin bo propio negoshi - Business Plaza Get Started Diasabra 4 juli
  • PDF
  • Print
  • Email
Oranjestad – E aña aki ta di cuater biaha cu KvK ta organisa Business Plaza Get Started cu lo tuma lugar diasabra 4 di juli 2015. E dia aki atrobe, Camara di Comercio y Industria Aruba (KvK) lo yama bonbini na tur hende cu kier cuminsa nan negoshi y comparti cu nan e basics di un startup. Manera semper, e evento ta gratis y ta tuma lugar na Camara di Comercio, cuminsando for di 9’or di mainta te cu 4’or di atardi.
 
Business Plaza ta ofrece e informacion completo pa e empresario nobato Get Started, di business idea te realisacion di e negoshi y guia pa por maneha e negoshi nobo. Companianan cu ta yuda KvK realisa e Business Plaza Get Started ta Now Strategy, Manrique Capriles, Tropical Bottling Company y Don Pastechi. 
E aña aki e enfoke ta riba networking, y KvK a invita varios empresario experiencia pa ta presente durante e dia brindando asina conseho y otro informacion practico na esnan nobato. 
 
Programa 
Registracion ta cuminsa ya pa 8:30 di mainta. E programa mes ta start 9’or, unda e presidente di KvK, Sra. Daphne Agius Cesareo – Lejuez lo yama tur hende bon bini y conta di e importancia pa ta bon informa na momento di cuminsa cu bo negoshi. KvK ta keda busca diferente forma pa comparti tur tipo di informacion y guia pa tur empresario cu tin e necesidad na mas informacion. Di e forma aki KvK realmente ta kere cu ta duna e starting entrepreneur mas oportunidad di exito cu su negoshi nobo.
 
E programa ta como lo siguiente:
Apertura door di presidente di KvK                          Sra. Daphne Agius Cesareo – Lejuez
Con pa haci negoshi cu NOW!                                  NOW! Strategy & Design
Con pa cuminsa un negoshi                                      Roxanne Wolff – Aruba Chamber
Curso Empresario Independiente SME’s & Business coaching Sonja Velthuizen – Aruba Chamber y Dave Martinus – ActionCOACH
Set up bo budget y administra bo negoshi             Marielsa Croes – MGM Source
Aspectonan Legal David Kock                                  Davidkock Legal
Con pa scirbi un business plan                                 Herbert Diaz -  SQS Company
 
Networking
Di 12:20 y 13:30 lo tin un break & networking sesion. Net prome cu e pauze lo introduci e empresarionan invita pa e networking sesion pa asina tur presente por acerca nan libremente pa por haya mas informacion practico y tur otro tipo di sosten di nan. Manera ta custumber, KvK ta ofrece  snacks y bebida gratis durante henter dia. 
 
Workshop business planning
1:30 di atardi, e workshop “con pa scirbi bo business plan”, ta cuminsa te 3:30 pm. E workshop aki lo wordo duna door di Sr. Herbert Diaz, SQS Company. 
 
Curso Empresario Independiente Chikito/Mediano
Entrante 1:30 tambe lo tuma un consulta individual tocante e curso intensivo di KvK “Empresario Independiente”. Sra. Sonja Velthuizen di KvK, lo ta disponibel pa duna cada persona interesa un splicacion amplio di tur loke e curso ta encera y e rekisitonan di participacion. Esnan interesa por registra di biaha. Sr. Dave Martinus tambe lo ta disponibel pa duna mas informacion tocante e posibilidadnan di business coaching cu ta wordo ofreci durante e curso aki. 
 
Manera tur Business Plaza, tur bishitante cu ta desea, por ricibi un consulta priva cu un consehero di KvK y Dept. di Asunto Economico. E consultanan ta disponibel gratuitamente, henter dia pa tur hende. 
 
Por ultimo, KvK kier yama danki na cada un di nos sponsor nan: Now Strategy, Manrique Capriles, Tropical Bottling Company y Don Pastechi pa nan aporte ofreci.
 
Probecha di e evento aki pa siña y haya mas informacion con pa start bo negoshi. Realisa bo soño di tin bo propio negoshi. Pa mas informacion y registracion like nos facebook page Facebook.com/arubachamber. Registracion ta obligatorio pa tur presentacion y workshop. Registracion tambe ta posibel por medio di nos website, www.arubachamber.com of mail nos na This e-mail address is being protected from spambots. You need JavaScript enabled to view it
 
 
Aruba, 23 di juni, 2015
Camara di Comercio y Industria (KvK)
 
 

By orbitalnets.com