Connect to Us LinkedIn Youtube RSS

30-2015 - Embahador di Hulanda na Colombia di bishita cerca Camara di Comercio
  • PDF
  • Print
  • Email

Oranjestad  –  Camara di Comercio y Industria Aruba (KvK) a ricibi bishita di Embahador di Hulanda na Bogota, Colombia, señor Robert van Embden acompaña pa representante di attaché economico señora Anna van Zoest y señora Eleisah Williams di Departamento di Relacionnan Exterior. 

Vice-Presidente di KvK señora Julisa Arends-Hoevertsz a ricibi e delegacion y a gradici e Embahador pa su bishita. Durante un almuerzo ameno y informativo a intercambia ideanan pa estrecha e lasonan comercial entre Aruba y Colombia y duna apoyo na comerciantenan local cu ta interesa den e mercado di Colombia. 

Un di e tareanan principal di KvK ta pa promove comercio. Den cuadro di esaki KvK ta ricibiendo tambe bishita di un delegacion comercial desde Colombia di 24 di juni pa 27 juni proximo. Na e momento aki ta trahando riba e programa di 'matchmaking' cu companianan local y ya caba a ricibi hopi interes di parti di comerciantenan local pa topa cu e delegacion di Bogota. 

Pa mas informacion tocante e posibilidad pa conecta cu e companianan di Colombia cu lo ta na Aruba por tuma contacto cu sra. Sue Ellen Farro-de Freitas Sousa na This e-mail address is being protected from spambots. You need JavaScript enabled to view it of yama 582-1566 ext. 30. 

Aruba, 19 di juni 2015

Camara di Comercio y Industria (KvK)

 

 

By orbitalnets.com