Connect to Us LinkedIn Youtube RSS

12-2015 - KvK: Delegacion comercial pa Cuba
  • PDF
  • Print
  • Email
Oranjestad – Camara di Comercio y Industria (KvK) a tuma iniciativa pa haci preparacion pa un posibel delegacion comercial pa Cuba den curso di e aña aki. E interes pa Cuba no ta di ultimo tempo so, den pasado KvK tabatin un intercambio bastante extenso cu Camara di Comercio cubano. Despues di varios aña cu menos contacto, KvK ta di opinion cu lo ta bon pa explora loke Cuba su economia por significa pa Aruba. Esaki tanto pa loke ta producto cubano, como tambe den oportunidad comercial den diferente sector di servicio cu por tin mercado na Cuba. 
Un miembro di KvK ta actualmente riba su mes iniciativa na Cuba y lo sondea e posibilidadnan pa un delegacion, cu Camara di Comercio cubano y otro contacto den sector priva. 
E idea pa un delegacion comercial a surgi recientemente y te na e momento aki no tin mas detaye ainda, ni di fecha, composicion, etc. Tan pronto cu tin mas informacion KvK lo comunica esaki na tur interesado. 
 
 
Aruba, 18 di februari 2015
Camara di Comercio y Industria (KvK)
 

By orbitalnets.com