Connect to Us LinkedIn Youtube RSS

10-2015 - Situacion financiero topico principal; KvK a topa cu fraccion di MEP
  • PDF
  • Print
  • Email
Oranjestad – Diaranson dia 11 di februari Camara di Comercio y Industria Aruba (KvK) tabatin un encuentro cu fraccion di MEP, riba peticion di e partido politico aki. A discuti principalmente tocante e situacion financiero di Pais Aruba, e presupuesto 2015 y posibel desaroyo den e siguiente lunanan nos dilanti encuanto e relacion entre gobierno di Aruba y gobierno di Reino. Tabatin un bon discusion den un bon ambiente, unda ambos partido a duna di conoce nan punto di vista.
 
Un punto di preocupacion cu a ser discuti ta e situacion economico actual, unda tin incertidumbre riba kico ta bay pasa na nivel gubernamental pa loke ta finanzas publico, medida cu gobierno ta considera pa aumenta entrada, impuesto nobo, etc. Esaki lo tin su efecto riba comercio y riba comportamiento di e consumidor en general, unda envez di inverti hopi compania y persona individual no ta invirtiendo. 
 
Tambe ta hunga un papel importante e relacion actual entre gobierno di Aruba y gobierno di Reino, specificamente e asunto di con pa yega na acuerdo tocante presupuesto 2015, y e papel cu CFT (College Financieel Toezicht) lo bay hunga den futuro pa loke ta supervision riba asunto financiero di Pais Aruba. 
 
A discuti den terminonan general loke por bay ta posible scenario pero a yega na e conclusion cu ta dificil pa predeci kico lo ta e rumbo cu . Lo mester spera con e deliberacion entre gobierno di Aruba y gobierno di Reino continua pa haya sa kico ta e proximo pasonan. Tambe lo mester warda pa mira si e proceso cu presupuesto 2015 ta canando finalmente lo haya aprobacion di gobierno di Reino, pa por habri posibilidad di financiamento internacional, cual na e altura aki ta birando indispensable.
 
Na final ambos banda a expresa e disposicion pa continua e comunicacion segun cu esaki ta deseable. 
 
 
Aruba, 17 di februari 2015
Camara di Comercio y Industria (KvK)
alt
 

By orbitalnets.com