Connect to Us LinkedIn Youtube RSS

06-2015 - Cera conoci cu docente di curso Empresario Independiente - Ramphis Tromp
  • PDF
  • Print
  • Email
Oranjestad, 23 di januari 2015 - Na luna di october aña pasa a inicia e curso Empresario Independiente Chikito/Mediano. Esaki cu e meta pa educa e empresario of un persona cu ta desea di cuminsa su negoshi, pa ta completamente prepara pa por hiba un bon maneho di su negoshi. Cu mas o menos ya mitar di e trayectoria patras di lomba, a cubri varios topico caba y participantenan a ricibi informacion y splicacion extenso durante cada materia.
 
Pa locual ta trata e materia financiero y di administracion, esaki ta na encargo di Sr. Ramphis Tromp (Ernst & Young). Sr. Tromp ta un accountant certifica registra den e registro di accountantnan na Hulanda y ta specialisa den administracion, auditoria y conseho financiero y fiscal pa companianan chikito/mediano. Sr. Tromp tin experencia cu clientenan tanto na Aruba como tambe Corsou, St. Maarten y islanan BES. 
 
Durante e curso Sr. Tromp lo toca topiconan manera entre otro: analisis financiero, relato anual, maneho di presupuesto, analisis di entrada y gastonan y calculacion di fluho di placa.
Sr. Tromp ta comenta cu administracion y finansas ta e idioma di tur negoshi. Ta importante pa tur empresario comunica na un idioma cu ta aceptabel pa asina por haci un bon analisis riba e cifranan financiero y por comunica esaki cu organisacionnan externo p.e. banco y Departamento di Impuesto. Locual cu Sr. Tromp ta haya importante di e curso Empresario Independiente Chikito/Mediano ta e variedad di topico cu ta ser presenta cu lo yuda e empresario tuma desicionnan corecto. Como contesta riba e pregunta con pa logra pa un negoshi ta exitoso Sr. Tromp ta indica cu mayoria di empresa ta cuminsa di un idea, hobby of pasion pero ta lubida un parti crucial di tin un bon administracion y un finansas bon planea. Un bon administracion no ta solamente un obligacion, pero alavez ta importante pa por dirigi bo empresa bon y ta consehabel pa prepara un bon administracion hasta prome cu establece e empresa. 
 
Pa informacion tocante e curso y pa registra pa e proximo curso, cu lo inicia na october 2015 por bishita e website di Camara di Comercio Aruba www.arubachamber.com of manda un email
pa sra. Sonja Velthuizen: This e-mail address is being protected from spambots. You need JavaScript enabled to view it
 
 
Aruba, 23 di januari 2015
Camara di Comercio y Industria (KvK)
 
 

By orbitalnets.com