Connect to Us LinkedIn Youtube RSS

29-2014 - KvK: Curso Empresario Independiente Chikito/Mediano
  • PDF
  • Print
  • Email
Oranjestad – 20 di october, 2014  – Dialuna 20 di october a cuminsa e curso tan anticipa Empresario Independiente. Despues di varios luna di preparacion, Camara di Comercio y Industria Aruba (KvK) ta organisa e curso aki specialmente pa tur esnan cu kier start un negoshi of a caba di cuminsa uno. Un total di 20 empresario aspirante a registra y ta cla pa cuminsa cu e trayectoria aki.
 
E concepto di e curso Empresario Independiente ta uno practico y interactivo. KvK a nota cu hopi negoshi ta cera despues di un aña caba y hopi biaha e motibo no ta un mal business idea, sino falta di conocimento con pa cuminsa y maneha un negoshi. Y na momento cu KvK a dicidi di cuminsa e curso aki, tabata logico cu e curso lo bai consisti di un cantidad amplio di module, manera marketing, legislacion, finanzas y administracion, belasting, management, tecnica di venta, human resources, business planning y varios otro aspecto cu cual e empresario nobato lo cera conoci.
 
Pa asegura cu e participantenan ta haya e mihor informacion y preparacion posibel, KvK a acerca profesionalnan cu conocemento y experiencia amplio den nan ramo pa ta docente di e curso.
 
E curso ta na papiamento y tin un duracion di 20 siman. E ta tuma lugar na KvK. Dos biaha pa siman lo tin les di 2 ora y mey, unda e participantenan lo haya e guia y informacion necesario. E docentenan lo keda den contacto cu e participante durante e periodo di e curso. Tambe nan lo recibi coaching individualmente. Na final cada participante mester haci un examen pa gradua extitosamente di e curso y asina ricibi nan certificado, cu lo tin balor comparabel cu e “middenstands-diploma” na Hulanda.
 
Pa segura cu e participantenan lo practica metanan poni nan dilanti durante e curso, KvK ta inclui dos sesion di guia personal y empresarial na cada un participante, despues di graduacion. 
 
Danki ta bai na tur esnan cu ta coopera na realisa e curso aki, Dave Martinus, Patrick Melchiors, Bruce Harms, Ryan Maduro, Guido Picus, Bert Vermaas, Departamento di Asunto di Legislacion, Ernst & Young,  Frank Snijders, WTS, y coleganan di Camara di Comercio.
 
Ta importante pa trece dilanti cu e interes pa atende e curso aki ta enorme. KvK ta bai ripiti e curso aki tambe na 2015. Tur esnan cu kier participa na 2015, of haya mas informacion por tuma contacto cu Sra. Sonja Velthuizen na This e-mail address is being protected from spambots. You need JavaScript enabled to view it
 
Pa termina, Camara di Comercio ta desea cada un di e participantenan hopi exito durante e curso y cu e futuro planificacion di nan negoshi.
 
 
Aruba, 20 di october, 2014
Camara di Comercio y Industria (KvK)
 
 

By orbitalnets.com