Connect to Us LinkedIn Youtube RSS

24-2014 - Reaccion di KvK riba procedura di deposito di cuenta anual
  • PDF
  • Print
  • Email
Oranjestad, 27 di augustus 2014 – Como reaccion riba un remetido den matutino Diario di 25 di augustus 2014, Camara di Comercio y Industria (KvK) ta desea di clarifica e asunto treci dilanti, pa no laga duda con e proceso di deposito di cuenta anual ta tuma luga na KvK. 
Di e remetido aki nos ta conclui cu tin algun confusion encuanto e control cu ta tuma luga na recepcion, y e control final cu ta tuma luga den nos back office.
 
Control na recepcion: Ora di entrega jaarrekening personalmente, ta haci solamente un random check pa controla si e documentonan ta completo, es decir e jaarrekening cu e formulario (16) apropia, plus ID di e persona cu ta haci entrega. Pa motibo di discrecion dilanti otro cliente, e control completo NO ta tuma luga na balie; esey ta tuma luga despues den back office, pa e personal autorisa. Ademas no ta tarea di personal di recepcion pa haci control completo riba e documentonan. Esey no ta e caso tampoco riba otro documento cu ta ser entrega na balie.
 
Control completo den back office: Esaki ta tuma luga mas pronto posibel despues di ricibi e documentonan. Si algo no ta na ordo, por ehemplo si falta firma di algun director, un persona autorisa (director o hefe di Registro) lo acerca e compania pa coregi e eror. 
 
Notificacion di cliente si falta algo: Esaki por tarda algun dia, en bista di e cantidad grandi cu ta drenta na KvK den e periodo di aña aki, pa motibo di e deadline di fin di augustus pa entrega jaarrekening. Ta trata aki di centenares di jaarrekening cu ta drenta na mes momento, pa cual motibo ta imposible pa haci e control riba mesun dia, riba tur caso. 
 
Deposito
Despues cu comproba cu tur cos ta na ordo, e documentonan ta bay den un envelop seya y ta keda warda. Tur documento, tanto esnan cu mester screen ainda y e documentonan seya caba, ta ser warda den un area sigura.
KvK ta desea di enfatisa cu nos ta tuma tarea di warda e documentonan aki na serio, motibo pa cual a y ta duna cualkier persona cu ta desea esaki, debido splicacion di con nos ta anda cu e tarea aki.
 
Tur empresario cu tin cualkier duda of ta desea di sa mas tocante e proceso aki, por tuma contacto libremente cu KvK na 582.1566. Tambe por consulta nos website pa mas informacion, http://www.arubachamber.com/business-in-aruba/filing-of-the-annual-financial-statement.  
 
 
Aruba, 27 di augustus 2014
Camara di Comercio y Industria (KvK)
 

By orbitalnets.com