Connect to Us LinkedIn Youtube RSS

03-2014 - Expansion di bo negoshi ta start na Business Plaza - Step Forward!
  • PDF
  • Print
  • Email

Oranjestad, 9 di januari 2014 – Challenge bo forma di pensa, haya idea nobo y strategia cu ta funcciona. Si bo intencion pa 2014 ta pa engrandece bo negoshi, e ora bo no por falta Business Plaza - Step Forward! Camara di Comercio y Industria Aruba (KvK) ta organisa e di dos edicion di Business Plaza – Step Forward! ariba diasabra, 18 di januari, 2014, na Camara di Comercio, cuminsando for di 9’or di mainta. Entrada ta gratis.

Setar ta sponsor di Business Plaza
Setar ta sponsor di e evento aki cu lo ofrece un programa completo na e empresario, unda e lo recibi informacion valioso tocante varios aspecto cu ta trata maneho, structura y expansion di negoshi. E programa lo consisti di presentacion di expertonan riba tur tereno relevante, manera con pa haci “strategic alliances”, bentaha di trahado parttime y orario flexible, best practices ora di expansion y con pa implementa responsabilidad corporativo social (CSR) den bo negoshi.

Den e edicion aki KvK a adapta e programa regular cu Business Plaza ta hiba, esta presentacion y workshops simultaneamente henter dia. E bes aki, pa motibo cu tur participante kier atende e workshops sin perde e presentacionnan, KvK a opta pa duna presentacion mainta y workshops atardi. Nos meta ta keda pa duna e empresario e empuhe den direccion correcto pa expande y engrandece su negoshi.

Programa
E presentacionnan ta cuminsa desde 9:00 di mainta den e auditorium. Atardi lo tin dos workshop extensivo, cuminsando desde 1:00 pa 3:45 pm. E prome workshop ta tocante “Business coaching: how to grow your business” di Dave Martinus (Action Coach) y e segundo workshop lo toca e tema “Company structures and tax benefits” di Benno Oldenhof (Atlas). Check www.arubachamber.com pa e programa detaya. Tene cuenta cu cupo ta limita, y KvK ta pidi interesadonan pa registra na tempo!

E evento ta e lugar ideal unda e empresario por comunica y intercambia idea cu otro empresario y profesional tocante “best practices” y otro recomendacion pa haya ideanan nobo y fresco.
Tambe tin oportunidad pa haya consulta priva cu representantenan di KvK, DEZHI y CEDE Aruba, kendenan lo duna informacion tocante con pa tuma e paso pa expande bo negoshi y con CSR por duna bo negoshi un bentaha competitivo.

Admision ta gratis
Admision pa Business Plaza ta gratis, y ta inclui snacks, bebida. Registracion adelanta ta necesario y facil. Tuma contacto cu KvK na 582.1566, ext. 30/27 of mail nos na This e-mail address is being protected from spambots. You need JavaScript enabled to view it .

Pa mas informacion, like nos facebook page www.facebook.com/arubachamber of consulta nos website, www.arubachamber.com pa e programa di presentacion y workshops y tur otro desaroyo tocante Business Plaza. No perde e oportunidad aki!

Aruba, 9 januari, 2014
Camara di Comercio y Industria (KvK)

 

By orbitalnets.com