Connect to Us LinkedIn Youtube RSS

09-2013 - KvK ta informa
  • PDF
  • Print
  • Email

Oranjestad – Camara di Comercio e Industria Aruba ta participa na tur compania inscribi den Registro Comercial, cu e cobranza pa pago di su contribucion anual pa aña 2013 a sali.

Por efectua pago pa cheque o deposito/transferencia bancario riba cuenta no. 112.354.6 Aruba Bank NV, no. 814771.0 Banco di Caribe, no. 611.799.06 CMB Bank N.V., no. 90.06.176 RBC Royal Bank.
Alavez por haci e pago na nos oficina cash of cu bo debit card. Camara di Comercio tin POS machine di Aruba Bank y CMB Bank. Tambe por paga cu tur tipo di credit card, cu excepcion di AMEX. Tambe tin posibilidad di pago automatico sea via www.arubabank.com o autorisacion di un “standing order”. Na momento di paga no lubida di duna como referencia number di registracion y nomber di compania/handelsnaam. Ta haci un apelacion na tur cliente pa haci uso lo menos posibel di pago cash.

Si en caso ainda no a ricibi e cobranza pa contribucion anual, o tin pregunta al respecto, por tuma contacto mediante telnr. 582-1566 ext. 36/43 faxnr. 588-3200 o e-mail: This e-mail address is being protected from spambots. You need JavaScript enabled to view it . Nos ta recorda tambe cu e datonan di bo compania ta disponibel riba nos website https://www.arubachamber.com/registers. Nos ta suplica pa controla esaki regularmente y pa notifica nos di eventual cambionan/coreccionnan.

Entrante 1 di januari 2013 lo pone e stempel: “E empresa aki no ta cumpli cu requisito legal encuanto contribucion anual cu e debe di Camara di Comercio” riba tur uittreksel o verklaring ora e compania no a cancela su debenan di contribucion anual, te cu aña 2012.

Aruba, 17 di juni 2013
Camara di Comercio y Industria (KvK)

 

By orbitalnets.com