Connect to Us LinkedIn Youtube RSS

01-2011 - Directiva di KvK pa 2011
  • PDF
  • Print
  • Email

Oranjestad – Dia 5 di januari ultimo Camara di Comercio y Industria (KvK) a elegi un presidente y vice-presidente pa aña 2011. Tanto Sr. Mohamed J. (Jamal) Mahawat Khan como Sr. John G. Eman a keda elegi pa e miembronan di directiva pa aclamacion den nan respectivo funcion di presidente y vice-presidente.
Banda di e presidente y vice-presidente nobo, directiva di KvK ta conta cu Sres. Oscar V. Britten, Robert E. Carrasquero, Satish D. Daryanani, Francisco L.M. de Mey, Donicio R. (Ricardo) Wever y e damanan Sheila M. van Veen y Angelique M. de Vries. Recientemente Sra. Sheila M. van Veen y Sr. Mohamed J. (Jamal) Mahawat Khan a keda re-eligi pa un periodo nobo di tres aña (2011-2013) y a jama Sr. Donicio R. (Ricardo) Wever bonbini como miembro nobo den directiva.


Riba 31 di december 2010, Sr. Leo A. Ponson a termina oficialmente su periodo como miembro di KvK. KvK ta extende un biaha mas palabranan di aprecio y gratitud pa e aporte na e trabao di KvK.
E presidente y vice-presidente, asisti pa e secretario, Sra. Lorraine C. de Souza, ta forma conhuntamente e directiva diario di Camara di Comercio. Como presidente suplente, den caso di ausencia di tanto presidente como vice-presidente, a keda nombra segun stipulacion legal e persona di mas trayectoria sin interupcion den directiva di KvK, cu ta Sr. Robert E. Carrasquero.


Directiva di KvK ta conta di por continua na aña 2011 cu su trabao na bienestar di comercio y industria y di comunidad en general cu hopi energia y entusiasmo.

Aruba, 13 di januari 2011 Camara di Comercio y Industria (KvK)

 

By orbitalnets.com