Connect to Us LinkedIn Youtube RSS

12-2012 - KvK ta presenta: Business Plaza Get Started!
  • PDF
  • Print
  • Email

Oranjestad, 18 di Juni, 2012 – Bo ta pensando di habri un negoshi of bo a caba di inscribi bo negoshi? Diasabra 7 di juli, 2012, Camara di Comercio y Industria Aruba (KvK) ta organizando su prome edicion di su Business Plaza Get Started! Caribbean Mercantile Bank (CMB) lo ta e sponsor di e evento.

E meta di Business Plaza ta pa tur esnan cu tin interes pa habri un negoshi, of a caba di start un negoshi nobo, haya tur e informacion necesario pa Get Started cu nan negoshi. Esaki desde momento cu bo haya bo business idea te realisacion di bo negoshi, y haya guia pa por maneha e negoshi nobo.

KvK a invita varios experto riba diferente aspecto di opera un empresa pa comparti nan experticio cu tur presente. Esaki pa crea oportunidad excelente pa fomenta concientisacion cu kico tur mester tene cuenta na momento di cuminsa un negoshi. Tambe Business Plaza ta brinda oportunidad pa haya contacto cu profesionalnan den posicion clave pa yuda e empresario nobato den e proceso aki como tambe oportunidad pa comunica cu otro entrepreneurs.

E Business Plaza ta programa pa tuma lugar na Camara di Comercio cuminsando for di 10’or di mainta te cu 3’or di atardi y unda lo tin diferente stand di informacion y lo tin oportunidad pa un consulta priva pa esnan cu ta desea di ricibi informacion mas concreto y personal. Durante e evento lo tin varios negoshi y organisacion cu lo duna un presentacion. Ariba nos website www.arubachamber.com por check e orario di e presentacionnan cu lo tuma lugar.

Organisacionnan presente e dia aki lo ta Dept. di Asunto Economico (DEZHI), Dept. di Salubridad Publico, Free Zone Aruba NV, ademas lo tin profesionalnan den ramo di marketing, recurso humano, administracion y payroll, seguro, derecho y obligacion di compania, y tambe nos lo tin un presentacion tocante ‘best practices’ di un empresario innovativo.

KvK lo tin dino jump y actividad di face painting pa entretene e muchanan presente mientras nan mayornan ta ‘netwerk’ y busca informacion. Ademas lo tin snacks y bebida (gratis) pa tur presente.

Tur esnan interesa pa atende Business Plaza por sigui updates di e evento via nos website. Pa mas informacion por tuma contacto cu This e-mail address is being protected from spambots. You need JavaScript enabled to view it of yama nos na 582.1566, ext. 27/35/42. Bishita Business Plaza, y Get Started!

Aruba, 27 di juni 2012
Camara di Comercio y Industria (KvK)

 

By orbitalnets.com