Connect to Us LinkedIn Youtube RSS

45-2017 - Informacion importante pa e votadonan y candidatonan
  • PDF
  • Print
  • Email
Oranjestad – Diamars awo dia 12 di december 2017 KvK ta tene su eleccion pa elegi miembronan nobo pa su directiva. Tur votadonan cu tin e derecho di voto ta wordo invita pa pasa di 9or di mainta pa 12or di merdia na e auditorium di KvK pa deposita nan voto. E eleccion lo wordo dirigi y supervisa door di e comision di eleccion di KvK.
 
Informacion pa e votadonan:
E lista di personanan cu derecho di voto (votado) ta poni riba KvK su website (Grootbedrijf: http://www.arubachamber.com/images/pdf/Election/2017/ws-grootbedrijf-2017.pdf / Kleinbedrijf: http://www.arubachamber.com/images/pdf/Election/2017/ws-kleinbedrijf-2017.pdf). 
Prome cu 6 di december 2017 tur persona cu derecho di voto mester a ricibi un convocatorio (“oproep”) pa bin vota. Ta pidi tur votado pa presenta cu e oproep y un ID valido. Den caso cu no ricibi e oproep e votado por presenta dia di eleccion cu su ID valido y informa e Presidente di e comision di eleccion cu e no a ricibi e oproep. Lo verifica su derecho di voto y e votado lo ricibi un duplicado.
KvK lo brinda servicio normal na cliente (di 8 am – 4.30 pm) y pesey ta haci un apelacion na un y tur, tambe cadidatonan pa minimalisa cualkier acto cu por obstaculisa e operacion di KvK y/o e fluho di cliente.
E votado ta entrega e oproep na e Presidente di e comision di eleccion y lo ricibi un stembiljet y ta dirigi su mes na e stemhokje corespondiente (pa Grootbedrijf of pa Kleinbedrijf). Despues di a yena e stembiljet e votado ta deposita esaki den e stembus corespondiente (pa Grootbedrijf of pa Kleinbedrijf).
Pa 12or en punto lo cera e votacion. Solamente e votadonan cu ta presente prome cu 12or y ta wardando nan turno lo wordo permiti pa caba di vota. Tur votado cu yega KvK despues di 12or no lo wordo permiti mas pa vota.
 
Informacion pa candidatonan:
Candidatonan por ta presente na KvK dia di eleccion.
Candidatonan por saluda y combersa cu e clientenan y/o votadonan y tambe por reparti material di promocion, pero no ta permiti pa haci entrevista y/o haci filmacion den e edificio di KvK, esaki ta posibel solamente pafo di e edificio of riba e balcon na prome piso.
Por saca potret, pero ta pidi pa tene cuenta pa esaki no stroba y/o incomoda otro persona o clientenan. 
No ta permiti pa colga ni pega ningun material di promocion na e murayanan di KvK. Por pone banners y back drops solamente na piso 1 riba e gang, pero no ta permiti ningun material di promocion den e auditorium.
Despues di e eleccion e comision di eleccion KvK lo conta e votonan. E resultado lo wordo publica den e Landscourant como tambe den algun di e corantnan local. E proces-verbaal di e zitting lo ta disponibel na KvK pa consulta pa un y tur. 
E tres (3) candidatonan cu ricibi mas voto (2 pa Grootbedrijf y 1 pa Kleinbedrijf) lo ricibi un carta for di e comision di eleccion KvK.  
 
E candidatonan pa e eleccion ta:
- Grootbedrijf
Wanda C. Broeksema 
Satish D. Daryanani 
Segundo J.A. Ecury 
John G. Eman 
Roslyn G. Vrolijk 
- Kleinbedrijf
Alexlindy Y.G. Croes 
Maria C. Croes 
Satish D. Daryanani 
Sandy R. Odor 
Riba website di KvK www.arubachamber.com por haya mas informacion di e candidatonan y nan motivacion pa postula como miembro pa e Directiva di KvK pa e siguiente periodo. KvK ta contento di por conta cu un interes grandi di participantenan na e eleccion aki y ta manda un palabra di exito na tur e candidatonan.
 
Pa cualkier pregunta y/o mas informacion, nan por tuma contacto cu Secretariado KvK via e-mail This e-mail address is being protected from spambots. You need JavaScript enabled to view it o via telefoon 582-1120. 
 
 
Aruba, 11 di december 2017
Camara di Comercio y Industria (KvK)
 
 
 

By orbitalnets.com