Connect to Us LinkedIn Youtube RSS

28-2017- Business Plaza - Get Started! Bishita nos diasabra 1 di juli!
  • PDF
  • Print
  • Email
Oranjestad – Camara di Comercio y Industria Aruba (KvK) tin e placer di invita tur hende cu kier cuminsa un negoshi of cu recien ta un empresario pa bishita e evento Business Plaza – Get Started! E evento aki ta brinda varios informacion al caso pa esnan cu tin e ambicion di cuminsa un negoshi of ta den e proceso aki caba. Business Plaza – Get Started lo tuma luga diasabra 1 di juli na KvK cuminsando for di 9’or di mainta te cu 2’or di atardi.
 
E evento aki ta posibel danki na e aporte di CMB como sponsor.
 
Business Plaza ta e oportunidad pa e empresario nobo, caminda e por ricibi informacion completo pa e por ‘Get Started’. E intencion ta pa haci bo idea un realidad y ricibi e guia necesario pa por cuminsa y maneha bo negoshi nobo. Durante e dia aki KvK ta brinda e oportunidad pa bo registra bo negoshi y asina tambe cana e caminda pa organisa bo negoshi. Pa por logra esaki, e ta importante pa trece tur documento corecto y completo. Pa mas informacion tocante e documentonan rekeri tuma contacto cu KvK. 
 
Programa 
Registracion ta cuminsa ya pa 8:30 di mainta. Riba e dia aki KvK ta ofrece un programa yena cu presentacion y tambe un workshop. Pa esaki nos ta encarecidamente pidi pa tene cuenta cu e programa stipula:
09:00 AM - Un palabra di bon bini duna door di e presidente di KvK, sr. Ernst Mohamed
09:05 AM - Sra. Kimberly Vanschel di CMB lo duna un presentacion encuanto ‘Opening  a Business Account’
09.35 AM - Sra. Sue-Ellen Farro KvK lo duna un presentacion encuanto con pa cuminsa un negoshi
10:30 AM - Sr. Atwell Aniceta di CXPAY lo duna presentacion encuanto e-Commerce
11:00 AM - Ganadornan di Hackathon Oranjestad, Marksonn Maduro y su team ‘Monumnt’ lo duna un presentacion di nan idea di negoshi
12:00 PM - Sra. Lay Hing de Kort di Cornerstone Economics lo splica over con ta formula un bon business plan
12:00 PM - Sra. Maria Dijkhoff-Pita di DEZHI lo elabora riba Sustainable Development Goals
 
Fuera di esey lo tin e oportunidad pa haya varios consulta:
10:00 AM - 1:00 PM Business Advisors di KvK ta disponibel pa registracion y consulta
12:00 PM - 1:00 PM Departamento di Asunto Economico ta disponibel pa informacion encuanto permisonan
12:00 PM - 1:00 PM Qredits ta disponibel pa informacion encuanto Qredits y financiamento di negoshi
12:00 PM - 1:00 PM Sra. Sonja Velthuizen, Directora di KvK y sr. Dave Martinus di ActionCoach lo ta disponibel pa duna informacion y registracion encuanto e programa nobo pa e curso Empresario Independiente.
 
Networking
Di 1:00 PM pa 2:00 PM tin e oportunidad pa encontra cu otro empresario y comerciantenan presenta pa por cera lasonan comercial amistoso. KvK ta ofrece snacks y bebida gratis durante henter e evento.
 
Probecha di e evento aki pa siña y haya mas informacion con pa start bo negoshi. Di e forma aki realisa bo soño di tin bo propio negoshi. Pa mas informacion riba Business Plaza – Get Started! y registracion sigui nos riba Facebook-page facebook.com/arubachamber. Registracion ta obligatorio pa tur presentacion y workshop. Registracion ta posibel pa medio di nos website www.arubachamber.com/signup. Pa mas informacion por tuma contacto tambe via e-mail: This e-mail address is being protected from spambots. You need JavaScript enabled to view it of yama nos na: 582-1566, ext. 42/35/27/30.  
 
 
Aruba, 26 di juni 2017
Camara di Comercio y Industria (KvK)
 

By orbitalnets.com